A n Online Christmas Songbook
Adeste Fideles

1.	Adeste, fideles 
	   Laeti triumphantes; 
	Venite, venite in Bethlehem; 
	   Natum videte 
	   Regem angelorum: 
	Venite adoremus Dominum. 
	
2.	   Deum de Deo; 
	   Lumen de lumine, 
	Gestant puellae viscera 
	   Deum verum, 
	   Genitum non factum: 
	Venite adoremus Dominum. 
	  
3.	   En grege relicto, 
	   Humiles ad cunas, 
	Vocati pastores approperant. 
	   Et nos ovanti 
	   Gradu festinemus, 
	Venite adoremus Dominum. 
	
4.	   Stella duce, magi 
	   Christum adorantes, 
	Aurum, thus, et myrrham, dant munera. 
	   Jesu infanti 
	   Corda praebeamus: 
	Venite adoremus Dominum. 
	
5.	   Aeterni parentis 
	   Splendorem aeternum, 
	Velatum sub carne videbimus, 
	   Deum infantem, 
	   Pannis involutum, 
	Venite adoremus Dominum. 
	
6.	   Pro nobis egenum 
	   Et foeno cubantem 
	Piis foveamus amplexibus; 
	   Sic nos amantem 
	   Quis non redameret? 
	Venite adoremus Dominum. 
	
7.	   Cantet nunc hymnos,  
	   Chorus angelorum: 
	Cantet nunc aula coelestium, 
	   Gloria 
	   In excelsis Deo! 
	Venite adoremus Dominum. 
	
8.	   Ergo qui natus 
	   Die hodierna, 
	Jesu tibi sit gloria: 
	   Patris aeterni 
	   Verbum caro factum! 
	Venite adoremus Dominum.



Text:     first published in Evening Offices of the Church, 1760
Music:     ADESTE FIDELES §5726 - John Francis Wade, Cantus Diversi pro Dominicis et Festis per anum, 1751
harmonization from The English Hymnal (1906)
>>Midi File [s5726.mid]<<
In English

home ·  appendix ·  faq ·  email
Creative Commons License
This work is licensed under a Creative Commons License.